Revue 2018: van old noar niej.

Joa, ok de revue viert het 60e joar mar gelukkig bint nit álle medewarkers ok zo old! Nee…… d’r zit zelfs een hoop jonk volk biej die niever hun beste doot um d’r wat moois van te maak’n! Eers een betje in kleine rolletjes of in dans of muziek en hoppelijk wordt det de nieuwe generatie die de revue-koare geet trekken! Zie hebt ’t biej de revue ok dit joar wier trechte ‘ekreeg’n um een mooi programma te maak’n met hier en doar wat roddel en achterklap; kreeg de één een scholderklopje en ’n andern een schoer duur de bene, net as anders. Hier en door terugge blikk’n want det heurt biej zo’n jubileum. Gelukkig woont d’r nog een hoop leu in Okkenbrook die plat kunt proat’n want dat dialect is tóch wel machtig mooi! En det wille wiej in de revue ok graag zo holl’n, mar det kan nog wel eens moeilijk word’n want d’r bint d’r hier ondertussen ook ‘n hoop die allenig mar Hoog Haarlemmerdijks kunt proat’n mar door kunt die leu ok niks aan doon. Alhoewel….. tweetalige opvoeding is arg “in” of een inburgeringscursus misschien? Doar mu’w mar eens subsidie vuur aanvroag’n! Mar of ie noe plat proat of nit: het zol wê mooi wêên as ielle d’r ammoal bint met de revue! En as ie doar niks an vindt dan kuj altied nog metdoon an de verloting met mooie priezen, dan maakt det oe oavond wier goed!
Entree volwassen 5 euro, entree basisschoolkinderen 2,50 euro. 

Deel op social media:

Submit to FacebookSubmit to Twitter